Pedagoglar uchun imtiyozli «O‘qituvchi» oylik yo‘l chiptalari chiqariladi
Pedagoglarga imtiyozli “O‘qituvchi” oylik yo‘l chiptalari joriy etiladi. Bu haqda Vazirlar Mahkamasining tegishli qarori loyihasida aytilgan, deb xabar berdi Kun.uz sayti.
O‘zbekiston Respublikasi Transport vazirligi Xalq ta'limi vazirligi bilan birgalikda 2020-yil 1-yanvardan boshlab:
Toshkent shahrining markaziy ko‘chalaridagi reklama stendlari, jamoat transporti va bekatlarda ijtimoiy reklamalar joylashtirish jadvalini ishlab chiqadi;
Toshkent shahar jamoat yo‘l transportlarida harakatlanish uchun pedagoglarga imtiyozli “O‘qituvchi” oylik yo‘l chiptalarini joriy etadi.
O‘zbekiston Respublikasi Davlat aktivlarini boshqarish agentligi Xalq ta'limi vazirligi bilan birgalikda 2020-yil 1-iyundan boshlab Toshkent shahar umumiy o‘rta ta'lim muassasalarida sog‘lom ovqatlanishni tashkil etish, oshxona va bufetlarni ijaraga berish, tanlovlarni o‘tkazish va g‘oliblarni aniqlash O‘zbekiston Respublikasi Xalq ta'limi vazirligi huzuridagi “Xalq ta'limi sohasida loyiha hujjatlariga texnik topshiriqlarni ishlab chiqish va qurilish obektlari sifatini monitoring qilish bo‘yicha injiniring kompaniyasi” davlat unitar korxonasi tomonidan amalga oshiriladi;
Bunda davlat ko‘chmas mulk obektlarini ijaraga berish bo‘yicha savdolarni “E-IJRO AUKSION” elektron savdo maydonchasi orqali amalga oshiriladi.
O‘zbekiston Respublikasi Xalq ta'limi vazirligining quyidagi takliflariga rozilik beriladi:
davlat-xususiy sheriklik asosida umumiy o‘rta ta'lim muassasalarining oshxona va bufetlarini belgilangan talablarga mos ravishda sarmoyadorlarga uzoq muddatga (kamida 3 yil) foydalanishga berish;
davlat-xususiy sheriklik asosida xalq ta'limi tizimidagi ta'lim muassasalarining yer maydoni yoki bo‘sh turgan bino inshootlarini foydalanishga berishda tuzilgan davlat-xususiy sheriklik bitimi muddati davomida har yili sarmoyador tomonidan bazaviy hisoblash miqdorining 500 baravaridan kam bo‘lmagan mablag‘ni ta'lim muassasasining maxsus hisob raqamiga o‘tkazib berish.