So‘lim tog‘lar bag‘ridagi maktab

 

So‘lim tog‘lar bag‘ridagi maktab

  Toshkent   viloyatining   Bo‘stonliq   tumanidagi   45-maktabi   viloyat markazidan   180, tuman   markazidan   100 kilometr   uzoqlikda   joylashgan. Uzoq tog‘ qishlog‘ida    joylashgan mazkur   maktabda   ayni kezda 130 nafar o‘g‘il-qizlar tahsil olishadi.

  Maktabimizda   18 turdagi to‘garaklar tashkil etilgan bo‘lib, barcha o‘quvchilarni qiziqishiga qarab qamrab olingan.   Bu esa Prezidentimiz tomonidan e’lon qilingan   5 ta   muhim   tashabbus   bo‘yicha   o‘qituvchilar   faoliyatni yanada rivojlantirishda qo‘l kelmoqda.  

Maktabimiz uzoq tog‘ qishlog‘i bo‘lishiga qaramay o‘quvchilarimizning intiluvchanligini qo‘yidagi misollarodan ham bilib olishingiz mumkin. Tuman   markazida   o‘tkazilgan   sport   musobaqasida   11-sinf   o‘quvchimiz   Aziz Gavharov yengil atletika   bo‘yicha   yuqori   o‘rinni,   shaxmat   bo‘yicha 7-sinf   o‘quvchimiz   Mohir Risqaliyev, Sarboz Toliboyev,   va   8-sinf   o‘quvchimiz   Qudratullayev   Firdavslar   munosib   o‘rinlarni   egalladi.

  Joriy yilda Toshkent   viloyat   hokimi   Zoyir Mirzayev   qishlog‘imizga   tashrif   buyurib, bu yerdagi yagona ilm maskani, maktabimizning,   sharoitini   to‘liq   o‘rgandi. Barcha jabhalarda yuqori ko‘rsatgichlarga erishgan maktabimiz   o‘qituvchilariga va ulardan saboq olib barcha darslari a’lo darajada o‘zlashtirayotgan o‘quvchilarga viloyat   hokimligining esdalik sovg‘alarini taqdim etdi. Maktabimiz yoshlari   uchun   yangi   kutubxona   ochilishida yordam berib, unga 750 dan   ortiq   badiiy   adabiyotlar   sovg‘a   qilindi.

                          

  Yahyobek MAVLEDINOV,

Bustonliq tumanidagi 45-maktabning direktor o‘rinbosari