Энг фойдали хонаки гуллар
Компьютер ва қўл телефонларидан таралаётган нурнинг таъсирини камайтириш, хонада экологик муҳитни яхшилаш учун уйда ва таълим муассасаларида қандай гулларни парваришлаган маъқул?
Дилмурод РАҲИМОВ, Учкўприк туманида яшовчи тадбиркор
— Компьютер, мобиль алоқа воситаси ва бошқа замонавий технологиялардан таралаётган электромагнит тўлқинлар таъсирини камайтиришда кактус ўсимлиги муҳим роль ўйнайди. Драцена, алоэ, фикус, хризантема каби гуллар ҳам ўзидан кўп кислород ажратиб, хонада экологик муҳитни яхшилайди.
Аммо кактус ҳам, бошқа ўсимликлар ҳам билинар-билинмас ҳолатда хонага тарқалиб, инсон организмига зарар етказаётган нурни буткул йўқотиш хусусиятига эга эмас. Шу боис вақти-вақти билан деразаларни очиб, ҳавони алмаштириб туриш лозим. Диффенбахия, самбитгул, ўзидан заҳарли оқ шира ажратиб чиқарадиган сутлама (молочай), печакгул, монстер, итузум каби ўсимликларни хона шароитида ўстириш умуман мумкин эмас. Чунки улардан заҳарли модда ажралиб чиқади.
Саволга э колог Наталья ШИВАЛЬДОВА жавоб берди.