O‘QITUVCHILAR MALAKASI ENG ZAMONAVIY SHAROITLARDA OSHIRILADI

O‘QITUVCHILAR MALAKASI ENG ZAMONAVIY SHAROITLARDA OSHIRILADI

Maktabgacha va maktab ta’limi vazirligi jurnalistlar uchun Abdulla Avloniy nomidagi Pedagogik mahorat milliy instituti yangi binosiga press-tur tashkil qildi. 

Xabaringiz bor, Prezidentning 2024-yil 21-iyundagi “Maktabgacha va maktab  ta’limi tashkilotlari xodimlarini uzluksiz kasbiy rivojlantirish tizimini takomillashtirish bo‘yicha qo‘shimcha chora-tadbirlar to‘g‘risida”gi qaroriga ko‘ra qayta tashkil etilgan institut tuzilmasida Xalqaro tadqiqotlar markazi ish boshlagan edi. Ushbu markaz mamlakatimizning xalqaro tadqiqotlarda ishtirok etishiga tayyorgarlik ko‘rish, unda O‘zbekiston ishtirokini ta’minlash vazifasini amalga oshiradi. 

Bugun press-turda 1934-yilda tashkil topib, qariyb bir asr bilan yuzlashgan malaka oshirish institute binosining tubdan takomillashib, eng zamonaviy sharoitlarda qayta jihozlangani, pedagoglarning malakasini oshirishda zarur bo‘lgan eng so‘nggi texnologiyalar bilan ta’minlanganining guvohi bo‘ldik. 

Yangi bino tarkibidan menejerlik o‘quv kurslari hamda pedagoglarning malakasini oshirish uchun 850 o‘rinli zamonaviy o‘quv xonalari, 87 750 ta aondga ega Axborot-resurs markazi, Abdulla Avloniy nomidagi yodgorlik muzeyi hamda malaka oshirish uchun kelgan pedagoglar uchun 560 o‘rinli zamonaviy mehmonxona tipidagi yotoqxona o‘rin olgan.