Bizga ta’lim nashrlari kerak! Aslida bu turdagi gazeta va jurnallar davlat tomonidan moliyalashtirilishi lozim emasmi?! Obuna vajidan tashkilotlarga qaram gazeta hech qachon erkin bo‘lolmaydi, oʻz haqini talab qilolmaydi. Davlatimiz rahbari qaror va farmonlar bilan bu masalaga oydinlik kiritmas ekan, oʻzgarish boʻlmaydi. Shundan so‘nggina gazeta tanqidiy maqolalar yuzasidan tashkilotlardan izoh, tushuntirish talab qila oladi. Yoʻqsa, gazetaning ta’siri sezilmaydi, taʼlim rivojlanmaydi, o‘qituvchi nufuzi haminqadarligicha qolaveradi. (2022-yil, 15-iyun).