Oʻqituvchiga qoʻl koʻtargan kim?



Ijtimoiy tarmoqlarda dars vaqtida noma'lum ayolning oʻqituvchiga oʻta keskin tahdid qilayotgani tasvirlangan video tarqaldi. Voqea Sirdaryo tumanidagi 1-maktabda yuz bergani aytilmoqda. Videoda aks etishiga koʻra ayol oʻquvchilar koʻz oldida oʻqituvchini xaqorat qilib, urgan va darsni tashlab chiqib ketishini talab qilgan.

Holat boʻyicha Maktabgacha va maktab ta'limi vazirligi Matbuot kotibi Dilfuza Sobirova munosabat bildirib, vaziyat nazoratga olinganini, Sirdaryo viloyat MMTB ishchi guruhi tomonidan oʻrganishlar olib borilayotganini ma'lum qildi.

Vaziyatga tez orada oydinlik kiritilishini kutib qolamiz. 

Shu oʻrinda aytish joizki, ta'lim maskanlarida xoh ota-ona biror talab yoki e'torozdan boʻlsin, xoh pedagoglar oʻzaro kelishmovchiligidan boʻlsin, bunday xunuk holatlarga yoʻl qoʻyish jamiyatda umumiy ravishda oʻqituvchilar obroʻsiga putur yetkazishini unutmaylik!