Yangi MTTlarga, avvalo, oliy maʼlumotli tarbiyachilar ishga olinadi

Maktabgacha ta'lim va tarbiya tizimi yanada takomillashtiriladi

Oʻzbekiston Respublikasi Prezidentining “Maktabgacha taʼlim va tarbiya tizimini yanada takomillashtirish chora-tadbirlari toʻgʻrisida”gi Farmoni qabul qilindi. 

Asosiy yo‘nalishlar:

• Bir yillik maktabga tayyorlov guruhlari majburiy umumiy oʻrta taʼlimning boshlangʻich bosqichi sifatida joriy etiladi.
• Maktabgacha taʼlimda oʻyinga asoslangan taʼlim tizimi yoʻlga qoʻyiladi.
• Tarkibida Bolalarni rivojlantirish innovatsion markazi bo‘lgan “Yangi avlod” maktabgacha taʼlim tashkilotlari tarmogʻi tashkil etiladi.
• Maktabga tayyorlov dasturlari MTT, umumtaʼlim maktablari va boshqa ijtimoiy obyektlarda toʻliq yoki qisqa muddatda amalga oshiriladi.
• Nodavlat taʼlim tashkilotlariga ham bir yillik tayyorlov guruhlarini ochishga ruxsat beriladi.
2027–2028-oʻquv yilidan:
• Taʼlim jarayonlari oliy maʼlumotli pedagoglar va bitiruvchi bosqich talabalari tomonidan olib boriladi.
• Bolalarga bir yillik maktabga tayyorlovdan oʻtganlik haqida davlat namunasidagi elektron sertifikat beriladi va bu maʼlumot shahodatnomaga kiritiladi.
2026–2028-yillarda:
• Qoraqalpogʻiston, viloyatlar markazlari va Toshkent shahrida bittadan “Yangi avlod” davlat MTT tashkil etiladi.

2026–2027-oʻquv yilidan:

• O‘rta maxsus maʼlumotli pedagoglar uchun dual taʼlim asosida bakalavriat yoʻlga qoʻyiladi.

• Yangi MTTlarga, avvalo, oliy maʼlumotli tarbiyachilar ishga olinadi.

2026-yil 1-apreldan:

• Maktabgacha taʼlim qamrovi 80 foizdan past hududlarda tadbirkorlar uchun imtiyozlar joriy etiladi.

👉 Farmonning toʻliq matni