Buyuk shaxsiyatlar hayoti – ibrat maktabi

Bugun aksar yoshlarimiz dunyo milliarderlariga havas qiladi. “SpaceX” va “Tesla” bosh direktori Ilon Mask, universitet diplomi bо‘lmasa-da, “Oracle Corporation” – dasturiy ta’minot va bulutli muhandislik tizimlariga ixtisoslashgan texnologiya kompaniyasi asoschisi Larri Elison, garajdan boshlangan “Amazon”ni bugungi savdo gigantiga aylantirgan Jeff Bezos, “Google” ortidagi Sergey Brin, Larri Peyj hayoti bugun yoshlar nigohida.

Ularning sarmoyasi haqidagi xabarlardan yoshlar qalbida hayrat, orzu-havas barq uradi. Men ham 30 yoshimgacha shunday marralarni egallashim kerak, degan havasda millionerlar hayoti, bajargan ishlarini, podkast, suhbat, intervyularini muntazam kuzatib borishadi. Hatto maktabdagi kichik bolachalar ham Pavel Durov (“Telegram”), Mark Sukerberg(“Facebook”)ga taqlidan nimadir yaratmoqchi, barchaning nazarini о‘ziga qaratmoqchi, maktabdagi BSB va CHSBlarni topshirishdan birvarakayiga qutulmoqni orzu qiladi... 

"Ma'rifat" gazetasining 2026-yil 18-fevral sonidan olindi