MAKTABGACHA TA’LIM TASHKILOTLARIGA NAVBATGA QO‘YISHDA IMTIYOZGA EGA BOLALAR



Bolalarni davlat maktabgacha ta’lim tashkilotlariga qabul qilish Vazirlar Mahkamasining 2018 yil 28 martdagi 244-son qarori bilan tasdiqlangan Ma’muriy reglamentning 18-bandiga muvofiq amalga oshiriladi.

Unga ko‘ra, quyidagi toifadagi bolalar imtiyozli ro‘yxatga kiritiladi:

♿️ I va II guruh nogironligi bo‘lgan shaxslarning bolalari

👨‍👩‍👧‍👦 Ko‘p bolali oilalarning bolalari

🧒 Yetim yoki ota-onasining qaramog‘isiz qolgan bolalar

🚨 Tazyiq va zo‘ravonlikdan jabrlangan shaxslarning bolalari

📋 “Ijtimoiy himoya yagona reestri” va “Kambag‘al oilalar reestri”ga kiritilgan oilalar bolalari

👩 “Ayollar daftari”ga kiritilgan yolg‘iz ayollarning bolalari

🪖 Shartnoma asosida xizmat qilayotgan harbiylar, ichki ishlar va bojxona xodimlari bolalari

🎓 Talabalar va pedagoglarning bolalari

👧👦 Aka-opa-singillari shu MTTda tarbiyalanayotgan bolalar

🏥 Ixtisoslashtirilgan MTTdan sog‘ayib, umumiy turdagi MTTga o‘tkazilayotgan bolalar.

❗️ Muhim jihat

Yetim va ota-onasi qaramog‘idan mahrum bo‘lgan bolalar

davlat MTTlarga navbatga qo‘yilmasdan joylashtiriladi.

Bunda joylashtirish “Inson” ijtimoiy xizmatlar markazlari ijtimoiy xodimlari

yoki bolaning qonuniy vakillari orqali bevosita amalga oshiriladi.

🎯 Mazkur imtiyozlarning maqsadi

• Ijtimoiy himoyaga muhtoj bolalarni birinchi navbatda qamrab olish

• Oila sharoiti og‘ir bo‘lgan farzandlar uchun teng imkon yaratish

• Davlat qo‘llovini aniq ehtiyojmand toifalarga yo‘naltirish.