OMMALASHTIRISHNING YANA YANGI NIZOMI TASDIQLANDI

Xo‘sh, unda qanday o‘zgarishlar bo’ldi? 

Maktabgacha va maktab ta’limi vazirligining 2025-yil 17-mart kungi “Oʻqituvchilarning ilgʻor tajribasi va faoliyati davomida qoʻllab kelayotgan zamonaviy metodikalarini ommalashtirish tartibini takomillashtirish toʻgʻrisida” gi 89-sonli buyrug‘i tasdiqlandi.

Undagi asosiy o’zgarishlar quyidagilar:

Endilikda, A.Avloniy nomidagi pedagogik mahorat milliy instituti va Respublika ta’lim markazi oʻqituvchilarning ilgʻor ish tajribasi hamda faoliyati davomida qoʻllab kelayotgan zamonaviy metodikalarini ommalashtirish ishlarini tashkil etadi hamda muvofiqlashtiradi. Eskisida faqat Respublika ta’lim markazi shug'ullanar edi.

Shuningdek, Metodik qoʻllanmaning eng kam hajmi 24 bet, Metodik tavsiyaning eng kam hajmi 10 betdan iborat boʻlishi kerak. Avvalgi nizomda esa, Metodik qoʻllanma yoki Metodik tavsiyaning eng kam hajmi 10 betdan iborat boʻlishi kerak edi.

Nizomdagi asosiy o‘zgarishlar shulardan iborat.