Statistika agentligi ma’lumotlariga ko‘ra, 2023-2024-o‘quv yili boshida mamlakatimizdagi umumiy o‘rta ta’lim tashkilotlarida ta’lim berayotgan o‘qituvchilar (o‘rindoshlarsiz) soni 547,7 ming nafarni tashkil etgan.

Bu ko‘rsatkich 2019-2020-o‘quv yili boshiga nisbatan solishtirilganda 61,1 ming nafarga oshgan.

Yillar kesimida umumiy o‘rta ta’lim tashkilotlarida ta’lim berayotgan o‘qituvchilar (o‘rindoshlarsiz) soni:

• 2019-2020-o‘quv yili boshiga 486,6 ming nafar;

• 2020-2021-o‘quv yili boshiga 508,2 ming nafar;

• 2021-2022-o‘quv yili boshiga 510,0 ming nafar;

• 2022-2023-o‘quv yili boshiga 521,6 ming nafar;

• 2023-2024-o‘quv yili boshiga 547,7 ming nafar.

Ma’lumot uchun, 2023-2024-o‘quv yili boshida faoliyat yuritayotgan umumta’lim muassasalari soni 10 750 tani tashkil etgan.