“Prezident sovg‘alari” karvoni



📚Uchtepa tumanidagi 14-umumta’lim maktabida Maktabgacha va maktab ta’limi vazirligi tomonidan yangi o‘quv yiliga tayyorgarlik hamda 1-sinf o‘quvchilariga beriladigan “Prezident sovg‘alari”ni hududlarga yetkazish jarayonlariga bag‘ishlangan press-tur tashkillashtirildi.

Yangi o‘quv yilida 738 ming nafar bola 1-sinfga qabul qilinishi kutilyapti. Hozirgacha 590 ming nafar bola maktabga qabul qilingan va jarayon 15-avgustgacha davom etadi.

1-sinfni “Prezident sovg‘alari”siz tasavvur qilib bo‘lmaydi. 12 turdagi o‘quv qurollari: sumka, daftar, ruchka, qalam, rangli qog‘oz, plastilin, rasm daftar, o‘chirg‘ich, akvarel bo‘yog‘i, yelim va qalamdon kabilar “Prezident sovg‘alari”dan o‘rin olgan. Endi bu sovg‘alarni “Ta’lim-ta’minot va logistika” xizmati 1–10-avgustgacha hududlarga, 10–20-avgustgacha esa o‘z egalariga yetkazadi. 

Tadbir davomida 2025-2026-o‘quv yilidan poytaxtimizdagi har bir tumanda bittadan tashkil etilayotgan “Toshkent tajribasi loyihasi” haqida batafsil ma’lumot berildi. Shuningdek “Jasorat maktablari”ning 208 ta faoliyati yo‘lga qo‘yilganligi va birinchi yildan 5 408 nafar o‘quvchi maktabga qabul qilingani to‘g‘risida ham aytib o‘tildi. Bu maktablarda asosan fanlar chuqurlashtirilib o‘rgatish, yoshlarning bo‘sh vaqtini foydali va unumli o‘tkazish uchun tashkil etilishi ko‘zda tutilgan.