Oʻzbekiston va Polsha oʻrtasida ta'lim sohasidagi hamkorlikni yanada chuqurlashtirishga kelishildi

Oʻzbekiston va Polsha ta'lim sohasidagi hamkorlikni yanada chuqurlashtirishga tayyorligini tasdiqladilar

Oʻzbekiston elchisi Amirsaid A'zamxoʻjayev Polsha Xalq ta'limi vazirligi davlat kotibi Yoanna Muxa bilan uchrashuv oʻtkazdi.

Muloqot chogʻida elchi Oʻzbekistonda maktabgacha va maktab ta'limi sifatini oshirish, inklyuziv yondashuvlarni joriy etish va ijtimoiy himoyani rivojlantirishga qaratilgan islohotlar haqida soʻzlab berdi.

Tomonlar hamkorlikning asosiy yoʻnalishlarini, shu jumladan maktabgacha, maktab va inklyuziv ta'limni rivojlantirish, til almashinuvi va idoralararo hamkorlikni mustahkamlash masalalarini muhokama qildilar.