Sun’iy intellekt yordamidan foydalanilmagan suratlar

Cnn nashrining xabar berishicha, siz ko‘rib turgan suratlar “Xalqaro Aerial Fotografiyasi” tanlovining ilk g‘olibi tomonidan kadrlarga muhrlangan.

Nyu-Yorklik professional dron uchuvchisi Joanna Steidle ushbu hayratlanarli suratlari bilan bosh mukofotni qo‘lga kiritdi. Ushbu tanlov  ̶  dunyo miqyosida yuqoridan olingan eng ta’sirli fotosuratlarni nishonlaydigan yangi mukofot hisoblanadi.

Tashkilotchilarning aytishicha, tanlovga butun dunyodan 1 500 dan ortiq ariza kelib tushgan. Tanlovga qo‘yilgan talab esa faqat  ̶  barcha suratlar inson tomonidan olingan bo‘lishi va sun’iy intellekt yordamidan foydalanilmagan bo‘lishi kerak edi.

Shuningdek, mazkur tanlovda Ispaniyalik Daniel Vine Garsiya va AQShlik Devid Svindler ikkinchi va uchinchi o‘rinlarni egallagan.