Muzrobotlik oddiy muallim Do‘stqobil hoji Qodirovga bu darajadagi shon-sharaf qanday nasib etgandi?



Ko‘pchilik fidoyi pedagoglar singari Do‘stqobil xoji Qodirovning mehnat faoliyati qishloq maktabida oddiy muallimlikdan boshlangan. Ustozning ilk mehnat faoliyati haqidabatafsil gapiradigan bo‘lsak, o‘nlab, balki yuzlab sahifalar kamlikqilar. Urush ko‘rgan va undan keyin tug‘ilgan o‘zbek bolasi borki, bolalik degan narsani bilmagan. “Mehnat faoliyatingiz qachonboshlangan?” deb so‘rasangiz, “Ota-onadan yetim bo‘lib qolgango‘daklik chog‘larimdan...” deb javob bersa ajab emas. Garchi, ota-onasi bilan ellik yoshiga qadar birga yashagan bo‘lsa-da, Do‘stqobilakaning tarjimai holi ham chiroyli, to‘kis o‘tmagan!

Ustozning bolalik va o‘smirlik davri, pedagogik faoliyati ham Sho‘ro tuzumi, kommunistik mafkura ostida Stalin, Xrushchevlardavridagi xaroba va yarim vayrona maktablardan, kattatanaffuslardagi yarim cho‘mich atalaga ur-yiqit navbatlar-u yalangoyoq qor kechib o‘sha muzxona maktablarga qatnashdanboshlangan. Faqat va faqat mehnat zahmatlari, izlanishlarginaDo‘stqobil Qodirovni ro‘yobga chiqardi. Bu haqida menga tajribalijurnalist tog‘am Baxtiyor Ollomurod hikoya qilib bergan edi:

“To‘qsoninchi yillarning boshlarida Surxondaryo viloyatiteleradiokompaniyasida katta muharrir edim. Tinib-tinchimasmuallim o‘zi rahbarlik qilayotgan akademik lisey o‘quvchilariniavtobus yollab (oddiy muallim uchun ortiqcha dardisar bo‘lgan butashabbuslarning xarajatlari ham ko‘pincha domlaning o‘z hisobidanbo‘lardi) Termizga-studiyaga olib kelib, jonli muloqotlar-u bahslar, teleshoular tashkil etardi. Do‘stqobil akaning miyasida hamishamana shunday savollar aylanardi:

“Nega endi faqat poytaxtda yo viloyat markazlarida yashab, o‘qiydigan o‘quvchilargina xalqaro tanlovlarga borishlari kerak?”“Faqat katta shaharlarda yashaydigan bolalargina dunyoni ko‘rishikerakmi?” “ Axir shu adolatdanmi, nima, bizlarning bolalarimizo‘gaymi?”

Agar shuuringizda ana shunday isyonli savollar yashamasa, demak, sizning qalbingiz va ruhingiz tirik emas!.

Oradan yillar o‘tib, Do‘stqobil xojining zahmatlari meva beraboshladi. Uning pedagogik jamoasi prezident ma’ruzalarda e’tirofetiladigan bo‘ldi. O‘quvchilari xalqaro tanlovlardan o‘rinlar olibkela boshladi.

Yangi O‘zbekiston degan atama hali so‘zlashuvlarimizda yo‘qedi ham. Biroq, Do‘stqobil xoji buni Islom Karimov davridayoq o‘zfaoliyatida amalda ko‘rsata oldi. Iqtidorli bolalari siymosida yurtnisharaflarga burkaydigan ertangi kadrlar poydevorini qurdi.Muzrobotda, qishloq sharoitida ilk bora o‘n ming dona badiiykitoblar fondiga ega zamonaviy kutubxona, axborot-resurs markazi, ma’naviy tayanch maskani barpo etganida O‘zbekiston endiginaikkinchi ma’muriyat ko‘rgandi. Ya’ni, o‘zbek xalqi ko‘z ochibikkinchi prezidentni ko‘rdi.

Shavkat Mirziyoyev Surxondaryo viloyatiga tashrif etgan yilishaxsan o‘zining g‘amxo‘rligi va e’tibori bilan Do‘stqobil akaningkutubxonasi yangi zamon talablariga mos ravishda qurildi. Prezident, mahalliy rahbarlar zimmasiga Do‘stqobil domlaniqo‘llab-quvvatlash, jumladan, mazkur kutubxona uchun yangizamonaviy imorat qurish vazifasini yukladi. Shu bahonadaMuzrabot tumanidagi Yangiobod qishlog‘i ko‘chalari ham asfaltko‘rib, obod bo‘ldi...

Do‘stqobil Qodirovning yana bir unutilmas savob ishlaridanbiri, u kishi Prezident Shavkat Mirziyoyev bilan muloqot chog‘idadavlat rahbariga maktabni a’lo baho va namunali xulq bilantugatgan o‘quvchilarni oltin va kumush medallar bilan taqdirlashhaqida taklif kiritdi va bu taklif inobatga olinib amalda tatbiq etildi.

Ot bosmagan marralarga toylar yetsin deb bejiz duo qilishmagan, donishmand bobolarimiz. Bugun Do‘stqobil xojiboboning qobil farzandlaridan biri, professor Umarali Qodirov otaizidan borib, salkam yigirma ming dona kitob zahirasiga ega mazkurkutubxona negizida iqtidorli bolalar uchun xususiy maktabga asossoldi.

Uning nafaqat viloyatimizdagi, balki mamlakatimizdagi boshqaxususiy maktablardan asosiy farqi shuki, kambag‘al va o‘rtahol ota-onalar yelkasiga ot, tuya ko‘tara olmaydigan katta xarajatlarniyuklamasligidadir. O‘qish narxi hamyonbop bo‘lish bilan birga, ushbu zamonaviy xususiy maktab o‘quvchilarning uylariga yaqin,piyoda kelib o‘qisa ham bo‘ladi.

Osiyo GʻOZIYEVA,

jamoatchi muxbir