M.V. Lomonosov nomidagi Moskva davlat universitetining Toshkent shahridagi filiali tashkil etilganiga 20 yil to‘ldi

Ayni paytda M.V. Lomonosov nomidagi Moskva davlat universitetining Toshkent shahridagi filiali tashkil etilganiga 20 yil to‘lgani munosabati bilan keng ko‘lamli tadbir bo‘lib o‘tmoqda.

  Ma’lumot uchun M.V. Lomonosov nomidagi Moskva davlat universitetining Toshkent shahridagi filiali bugungi kunda O‘zbekiston oliy ta’lim tizimida muhim o‘rin tutuvchi nufuzli ta’lim maskanlaridan biri. Mazkur filial 2006-yilda tashkil etilgan bo‘lib, uning ochilishi mamlakatimizda xalqaro standartlarga mos kadrlar tayyorlash yo‘lida muhim qadam bo‘ldi.

Filial tashkil etilganidan buyon matematika, amaliy matematika va informatika, psixologiya hamda boshqa zamonaviy yo‘nalishlar bo‘yicha yuqori malakali mutaxassislar tayyorlab kelmoqda. Ta’lim jarayoni bevosita Moskvadagi bosh universitet dasturlari asosida olib borilishi esa talabalarga xalqaro darajadagi bilim olish imkonini beradi. Darslar yuqori malakali professor-o‘qituvchilar, jumladan Rossiyadan jalb etilgan mutaxassislar tomonidan olib borilishi ta’lim sifatini oshirishda xizmat qilib kelmoqda.

Ayni paytda filial tashkil etilganining 20 yilligi munosabati bilan o‘tkazilayotgan keng ko‘lamli tadbir universitet tarixidagi muhim bosqichni ifodalaydi. Tadbirda ta’lim va ilmiy yo‘nalishlardagi yutuqlar, professor-o‘qituvchi va talabalar mehnati e’tirof etilmoqda. Shuningdek, bu sana O‘zbekistonda oliy ta’lim tizimining rivojlanishida muhim ahamiyat kasb etuvchi hamkorlik loyihalaridan biri sifatida alohida qayd etilmoqda. 

Kelgusida filial o‘z faoliyatini yanada kengaytirib, yangi ta’lim yo‘nalishlarini joriy etish, zamonaviy ilmiy markazlar tashkil etish hamda xalqaro hamkorlikni mustahkamlash orqali raqobatbardosh kadrlar tayyorlashda yetakchi o‘rinlardan birini egallashni maqsad qilgan.