Yaponiyaning Tokio shahrida bo‘lib o‘tayotgan “ San’at chegara oshib” nomli ko‘rgazmada O‘zbekiston uchun ham rasmlar burchagi tashkil etildi

Shahar markazida joylashgan Milliy san’at saroyida 22-bor bo‘lib o‘tayotgan rasmlar ko‘rgazmasi 23-yanvardan o‘z ishini boshlagan.

Unda 35 ta mamlakatdan yig‘ilgan 500 dan ortiq san’at asarlari namoyish etilyapti. O‘zbekiston burchagi Maktabgacha va maktab ta’limi vazirligi huzuridagi Ixtisoslashtirilgan ta’lim muassasalari agentligi tizimidagi ta’lim muassasalari o‘quvchilari tomonidan chizilgan 30 ta rasmlar bilan bezatildi. Rasmlarda yurtimiz tabiatining go‘zalligi, madaniy merosi, milliy liboslari, shuningdek, mamlakatimizning tarixiy va diqqatga sazovor joylari tasvirlangan.