2030-yilgacha eng tez o‘sadigan kasblar e’lon qilindi

2030-yilgacha eng tez o‘sadigan kasblar e’lon qilindi: texnologiya, xavfsizlik va logistika sohalari yetakchilik qilmoqda

So‘nggi yillarda mehnat bozori keskin o‘zgarib bormoqda. Texnologik taraqqiyot, yashil energiyaga o‘tish va global iqtisodiy siljishlar yangi kasblarga bo‘lgan talabni keskin oshirmoqda.

Insights by InShorts tomonidan e’lon qilingan “2025–2030-yillar oralig‘ida eng tez o‘sadigan kasblar” infografikasiga ko‘ra, quyidagi sohalarda o‘sish sur’atlari ayniqsa yuqori bo‘ladi:

• Big Data mutaxassislari — 110% o‘sish

• FinTech muhandislari — 90%

• AI va Machine Learning mutaxassislari — 80%

• Dasturiy ta’minot ishlab chiquvchilari — 70%

• Kiberxavfsizlik mutaxassislari — 65%

• Yuk mashinasi va yetkazib berish haydovchilari — 45%

Mazkur ma’lumotlar Jahon Iqtisodiy Forumining “Future of Jobs Report — 2025” hisobotidagi prognozlar bilan hamohang. Hisobotda aynan texnologik sohalarga oid kasblar asosiy o‘sish nuqtasi sifatida ko‘rsatib o‘tilgan.

AQSH Mehnat Statistikalari Byurosi ham shunga o‘xshash xulosalarni e’lon qilgan bo‘lib, u yerda ayniqsa IT va ma’lumotlar tahliliga ixtisoslashgan kasblarda 2032-yilgacha sezilarli o‘sish bo‘lishi kutilmoqda.

Shuningdek, McKinsey Global Institutening hisobotida avtomatlashtirish va barqarorlikka aloqador kasblar alohida ta’kidlangan:

• Avtonom transport vositalari bo‘yicha mutaxassislar — 55% o‘sish

• Qayta tiklanuvchi energiya muhandislari — 15%

Mutaxassislar fikricha, bugungi yoshlar aynan shu yo‘nalishlar bo‘yicha o‘z bilim va ko‘nikmalarini rivojlantirishga e’tibor qaratishi lozim. Zamonaviy texnologiyalarni egallagan, o‘z sohasi bo‘yicha chuqur bilimga ega mutaxassislar kelajakda mehnat bozorida ustunlikka ega bo‘lishadi.