Ilk bor ustozlar ishtirokida voleybol bo‘yicha respublika musobaqasi tashkil etildi

Jarayon

12:34 / 03.07.2026 1.16k

Mamlakatimizda ilk bor pedagog xotin-qizlar o‘rtasida voleybol bo‘yicha “Maktabgacha va maktab ta’limi vaziri kubogi” respublika musobaqasi o‘tkazilmoqda. Ushbu yirik sport loyihasi nafaqat o‘qituvchilar o‘rtasida sog‘lom turmush tarzini ommalashtirish, balki ta’lim tizimida jamoaviylik, hamjihatlik va sport madaniyatini yanada rivojlantirishga xizmat qilmoqda.

Musobaqada respublika bo‘ylab faoliyat yuritayotgan 14 mingdan ortiq ta’lim muassasasining 110 452 nafar ayol xodimi qamrab olindi. Bir necha bosqichda o‘tgan saralash bahslarida g‘olib bo‘lgan jamoalar ayni kunlarda Namangan shahrida tashkil etilayotgan respublika final bosqichida o‘zaro kuch sinashmoqda. Musobaqaning Respublika bosqichi ayni kunlarda Namangan shahrida o‘tkazilmoqda.

Final bahslarida Qoraqalpog‘iston Respublikasi, viloyatlar va Toshkent shahridan saralangan 14 ta jamoa tarkibidagi 112 nafar ayol pedagog g‘oliblik uchun bellashmoqda.

Musobaqa yakunlariga ko‘ra:

1-o‘rin sohiblariga – 150 million so‘m;

2-o‘rin sohiblariga – 100 million so‘m;

3-o‘rin sohiblariga – 70 million so‘m miqdorida pul mukofoti topshiriladi.

Shuningdek, g‘olib maktab jamoalari "Damas" avtomobillarini qo‘lga kiritishadi.

Mazkur musobaqa pedagoglar o‘rtasida sportni ommalashtirish, sog‘lom turmush tarzini keng targ‘ib etish hamda ta’lim tizimi xodimlarining jismoniy faolligini qo‘llab-quvvatlash yo‘lidagi muhim tashabbus sifatida alohida ahamiyat kasb etmoqda.

Maqola muallifi

Muxbirimiz

Jurnalist

Teglar

#Sport
#Ta'lim

Ulashish

Shu kecha va kunduzda

Pedagoglarning kontraktda o‘qiyotgan farzandlariga beriladigan 30 foizlik chegirmani olish uchun ariza berish boshlandi

Bugunning gapi 17:36 / 16.10.2026

DAVLAT MAKTABLARIDAGI PULLIK SINFLAR: QO‘SHIMCHA IMKONIYATMI YOKI TA’LIMDAGI TABAQALANISH? (Vazirlar Mahkamasining 2019-yil 22-apreldagi 343-qarori va uning ijrosi borasida mulohazalar)

Mutaxassis minbari 19:28 / 15.10.2026

ISH BERUVCHILAR QANDAY MUTAXASSIS IZLAYAPTI?

Mutaxassis minbari 15:53 / 14.10.2026

Yangi iqtisodiy model: yuqori texnologiya, mehnat unumdorligi va inson kapitali

Jarayon 13:44 / 14.10.2026