O‘zbekistonliklar boyib ketyaptimi?



 2025-yil I yarimida O‘zbekiston aholisining jon boshiga umumiy daromadlar haqida yangi ma’lumotlar e'lon qilindi. Statistika qo‘mitasining hisobotiga ko‘ra, mamlakatda aholi daromadlari sezilarli darajada o‘sdi, ammo ba'zi hududlarda bu o‘sish yanada yuqori bo‘lgan. 

📊 Statistika qo‘mitasining hisobotiga ko‘ra:

– 2025-yilning yanvar-iyun oylarida aholi umumiy daromadlari 515,9 trln so‘mni tashkil etdi.

– 2024-yilning mos davriga nisbatan aholi umumiy daromadlari real o‘sish sur’ati 9,5% bo‘ldi. O‘tgan yili esa daromadlar 2023-yilning I yarmidagidan 11,9% ko‘proq o‘sgandi.

💵 Jon boshiga umumiy daromadlar:

– Aholi jon boshiga umumiy daromadlar 13,7 million so‘mni tashkil etdi.

🔹Nominal o‘sish sur’ati: 17,7%

🔹Real o‘sish sur’ati: 7,4%

🏙 Eng yuqori daromadlar hududlar bo‘yicha:

– Toshkent shahri: 35 million 79 ming so‘m (eng yuqori ko‘rsatkich)

– Navoiy viloyati: 20 million 48 ming so‘m

– Buxoro viloyati: 15 million 883 ming so‘m

– Toshkent viloyati: 13 million 740 ming so‘m

📉 Eng past daromadlar:

– Qoraqalpog‘iston: 9 million 198 ming so‘m

– Namangan viloyati: 9 million 457 ming so‘m

📈 Eng yuqori real o‘sish:

– Farg‘ona viloyati: 15,5%

– Toshkent shahri: 12,8%

💼 Daromad manbalari:

– Aholi daromadlarining katta qismi yollanib ishlash va mustaqil band bo‘lishdan olinmoqda, bu esa umumiy miqdorning 60,6% ni tashkil etadi.