Islom Karimov nomidagi Toshkent davlat texnika universiteti kasaba uyushmasi hisobot-saylov Konferensiyasi bo‘lib o‘tdi

Islom Karimov nomidagi Toshkent davlat texnika universiteti kasaba uyushmasi hisobot-saylov Konferensiyasi bo‘lib o‘tdi.  

Tadbirni Islom Karimov nomidagi Toshkent davlat texnika universiteti rektori, t.f.d., professor, Akademik S.Turobjonov kirish so‘zi bilan boshlab berdi. Rektor o‘z so‘zida so‘nggi yillarda O‘zbekiston kasaba uyushmalari Federatsiyasi rahbarligida amalga oshirilayotgan turli vazifalar hamda kasaba uyushmalari a’zolariga yaratilayotgan imtiyoz va sharoitlar to‘g‘risida to‘xtalib o‘tdi.

Konferensiya avvalida Islom Karimov nomidagi Toshkent davlat texnika universiteti rahbariyati hamda Islom Karimov nomidagi Toshkent davlat texnika universiteti kasaba uyushma qo‘mitasi o‘rtasida 2023 ̶ 2025-yillar uchun tuzilgan jamoa shartnomasining 2024-yildagi ijrosi to‘g‘risida hisobotlari tinglandi. 

Hisobot davrida, jamoa a’zolarining ijtimoiy, iqtisodiy va huquqiy manfaatlarini himoya qilish, ularning to‘laqonli faoliyat olib borishlari uchun qulay sharoit yaratish, kabi masalalarga ustuvor vazifa sifatida e’tibor qaratildi va bu borada salmoqli ishlar amalga oshirildi. Hisobot davri davomida kam ta’minlangan va ijtimoiy muhofazaga muhtoj jamoa a’zolarini ijtimoiy himoya qilish maqsadida kasaba uyushma qo‘mitasi mablag‘larihisobidan jami 394 840 201 so‘m miqdorida moddiy yordam ko‘rsatilgan.

2021 ̶ 2024-yillarda universitet kasaba uyushmasi tomonidan Samarqand, Buxoro va Xiva kabi shaharlarga universitettning 414 nafar faol kasaba uyushma a’zolari uchun sayohatlari tashkil etildi. Bundan tashqari universitet miqyosida o‘tkazilgan sport tadbirlariga jami 29 993 000 so‘m mablag‘ sarflandi. Xodimlar va ularning oila a’zolarini maroqli dam olishlarini ta’minlash maqsadida qisman to‘lov evaziga 248 nafar xodimga dam olish uylariga, 166 nafar kasaba uyushma a’zolarining farzandlari uchun bolalar sog‘lomlashtirish oromgohlariga imtiyozli narxlarda yo‘llanmalar ajratildi.

Kasaba uyushma qo‘mitasi raisiga saylov muqobillik asosida va yashirin ovoz berish yo‘li bilan o‘tkazildi.