ChatGPT'ning haftalik foydalanuvchilari soni 700 millionga yetmoqda

 OpenAI ma’lumotiga ko‘ra, joriy haftada ChatGPT ilovasining haftalik faol foydalanuvchilar soni 700 millionga yetishi kutilmoqda. Bu ko‘rsatkich bir yil ichida to‘rt barobar o‘sishni anglatadi.

 Foydalanuvchilar soni o‘sishi:

– OpenAI vitse-prezidenti va ChatGPT ilovasi rahbari Nik Turleyning ta’kidlashicha, mart oyi oxirida bu ko‘rsatkich 500 millionni tashkil etgan edi.

– Bir yil ichida esa ilovadan foydalanuvchilar soni to‘rt baravarga oshgan.

 Ommalashish va yangilanishlar:

– GPT-4 asosida yangilangan tasvir yaratish funksiyasi ishga tushirilgandan so‘ng, kompaniyaning ommalashishi sezilarli darajada ortgan.

– Aprel oyi boshida OpenAI bosh operatsiyalar direktori Bred Laytkapning ma’lumotlariga ko‘ra, ishga tushirilgandan keyingi bir necha kunda 130 milliondan ortiq foydalanuvchi jami 700 milliondan ko‘p tasvir yaratgan.

Obunalar sonining o‘sishi:

– ChatGPT to‘lovli biznes obunachilari joriy haftada 5 million nafarga yetgan. Iyun oyida esa bu ko‘rsatkich 3 millionni tashkil etgan edi.

 Foydalanuvchilar faoliyati:

– Sensor Tower tahlil shirkati xabariga ko‘ra, 2025 yilning birinchi yarmida ChatGPT foydalanuvchilari ilovadan oyiga o‘rtacha 12 kun foydalangan.

– Bu ko‘rsatkich bo‘yicha ilova Google va Xdan keyin uchinchi o‘rinda turadi.

– Foydalanuvchilar ilovada kuniga o‘rtacha 16 daqiqa vaqt sarflagan.